Adiusiatz a totas e tots,
Dissabde lo 23 de setembre a 8 oras demia de l'enser (20h30) a l' Espaci culturau (rasis la gara) de La Coquilha aculhissem lo Joan Lois Courtail que jugarà coma la Flavie Castagné la soa peça de teatre "Pont de Viaur". Entrada a gratis.

Quala peça fai una brava plaça a la lenga occitana "lenga daus maquisards de 1944".
Vancès, sus la 7 oras, se pòt minjar un bocin, plateu repas a 12 € mas fau se marcar regde, regde, jurcinca dimars 19 de setembre au 06 77 30 79 18.

Lo Joan Lois Courtial es un autor, cantaire, actor culturau occitan plan conegut e lo sera enquera mai si vos lo venetz veire.
Dins lo programa de quela brava vesperada i a tanben a las quatre oras (16h) una rencontra coma autors sus l'istòria perigòrda de  la segonda guerra mondiala e de la resistencia.

Joan Miqueu Lahièita.

L'animator Nicolas Peuch nos infòrma que la convidada de l’emission de rentrada dau diumenc 17 de setembre 2023  a 11 oras sur França Blu Perigòrd sera Virgine Laurent, regenta dempuei 2017, que seguet la formacion Ensenhar en occitan, aguet lo DCL e ensenha l’occitan a l’escòla mairala de la Cité a Perigüers.

Meitat chen , Meitat pòrc , chasque diumenc a 11 oras  sur França Blu Perigòrd!

Per escotar l'emission en directe o en redifusion, clicar sur lo ligam: França Blu Perigòrd

Veiqui lo ligam vers los sites de Nicolas Peuch:  https://www.nicolaspeuch.com/ e https://fr-fr.facebook.com/nicolas.peuch

Retorn a Segusino, au pais daus grands en Italia de Francis Cabrel, un grand defendeire de la cultura occitana mai latinas en generau:  https://www.youtube.com/watch?v=FC0mE8OLin0