Diumenc 3 de març au Centre de la Communicacion de Perigüers, Lo Bornat dau Perigòrd, la Meraria e lo Comitat d'organisacion an presentat l'aficha de la Felibrejada 2019 e la Reina, Emma Bonnin.

Emma a 18 ans, demòra a Bolasac e fai sos estudis de cultura umanista e scientifica a l'Universitat de Bordeu Montanha.

« Ai apres l'occitan dempuei la 6esma au collegi e liceu Bertran de Bòrn a Perigüers, coma Mr Peironin. Contunhe a l'Universitat. Ai chausit quela lenga per la cultura, la tradicion e per çò que aime plan dançar e chantar. Aime plan la chantaira Alidé Sans de la Vau d'Aran, qu'avem rencontrat dos còps. Sei plan contenta de servir la cultura occitana coma Reina de la Felibrajada ».

Denis Gilabert