Questa setmana, l'esquipa de l'emission itinerante «  D'òc show » de la novela tele 100% occitana va enregistrar daus reportatges en Perigòrd. Sabetz que nòstre departament es lun daus principaus partenaris de la novela tele sur internet( cf Sud-Ouest dau 18 de décembre).

Las tematicas de l'emission son variadas : an desja parlat de « Partir e tornar, perqué ? » l'experiença d'occitans que corren lo monde, puei, quò fuguet « Aeronautica, urbanisme, et espandiment de Tolosa ». L' un daus principis de l'emission es d'esser mobila sur tot lo domeni occitan. Aura, son en Perigòrd per parlar de las problematicas de la santat en mitant rurau. L'esquipa dau jornalista Vincenç Claverie e Stéphane Valentin comencet la setmana passada de cherchar daus actiu dins lo mitant medicau. « De segur, Joan Ganhaire vai nos parlar de son trabalh coma delegat aus afars medicaus, auram enmai la possibilitat d'auvir dau monde en contact direct emb la populacion : ajuda a domicile, animator dins de las maisons de retiradas etc... Totas quelas gents utilizan l'occitan dins lor trabalh de tots los jorns, quo es un ajuda preciosa a la comunicacion e au benèsser de las personas.

Anem enregistrar l'emission a la mediateca de Trelhissac dijuòus que ven. L'emission parlara pas nonmas de subjects serios, parlarem tanben de chausas mai leugieras coma l'actualitat musicala en Perigòrd. Avem convidat lo grope Gargamas per jugar « vivent » per l'emission. Laurenç Labadia vai nos parlar de las sessions de formacion que van se botar en plaça mercés au Pole de Production et de Ressources Audiovisuelles. (NDLR: formations qualifiantes sous forme de trois stages : techniques de doublage, immersion en occitan pour les professionnels non-locuteurs et usage de l'occitan dans l'acte théâtral).

Quo es lo prumier còp que venem en Dordonha per la quatriesma edicion de l'emission, mas sabem desja que tornarem leu ».

Comme quoi, Octele et son « D'òc Show » sont à l'écoute des initiatives de tous les territoires occitans. Les émissions déjà diffusées sont consultables sur www.octele.com, onglet « programas totes », puis « D'òc show » .

Denis Gilabert

Veiqui lo ligam vers octele.com

darriera emission "Aeronotica, urbanisme e espandiment de Tolosa"