Fuguèrem convidats à questa presentacion per descubrir l'eschema departementau d'espandiment de la lenga e de la cultura occitanas. Joan Ganhaire , Conselhier Generau de Brantosme e delegat a la lenga et les cultura occitanas en Dordonha animava la reünion, emb lo sosten de David Grosclaude dau Conseil Regionau d' Aquitania, e daus deputats Pascal Deguilhem e Colette Langlade.

La presentacions e la questions se fagueren maitot en occitan. Avem pògut decubrir totas las accions en cors , sur las tres tematicas qui-dejòs :

La transmission : l'ensanhament escolari e per adultes

La socializacion : dins las colectivitas, lo sector economic, los medias e lo medico-sociau

Arts e cultura : créacion et difusion artisticas, patrimoni orau

Joan-Lois Leveque a explicat lo concept de socializacion de la lenga : la reconquista de l'espaci public, economic e sociau de la lenga. La lenga deu tornar trobar queu espaci perdut emb lo temps, una realitat sociala dins la vita de tots los jorns.

Jean-Yves Agard developet lo concept de "territòri creatiu" e prenguet los exemples de la Bretanha e dau pais Basque onte las lengas son daus elements de diferenciacion, que balhan a quilhs pais un avantatge concurrenciau. Mr Agard fara una intervencion a "Paratage Pro" a Bordelha los 30 e 31 de mai.

Un bilan d'estapa fuguet fach, sur las accions entrepesas: los cors per adultes, las classas bilingües, los paneus bilingües... E de segur totas las accions culturalas sostengudas per lo Conselh Generau.

Tota la sala fuguet impressionada per lo fum d'accions e de projects. L'organisation de questa reunion fuguet facha per lo Pôle Occitan de l'Agença Culturala.