De veire sur octele.com:

Joan Ganhaire, medecin, escrivan mager de la literatura occitana contemporana (Lo libre dau reirlutz, Dau vent dins las plumas, Cronicas de Vent-li-Bufa, Sorne trasluç) es lo convidat  l’invitat dau noveu numèro de l’Emparaulada.

L’emparaulada es una emission que vos perpausa Òctele per laissar lo temps a la paraula. Convidam una personalitat a venir parlar de son chaminament, de son òbra, de son engatjament, de sa vision de la vida e dau monde.

En mai d'una ora d'entrevista facha per David Grosclaude, Joan Ganhaire parla de l'actualitat sanitaria, de son ancian mestier de medecin, de la politica , de son engatjament per la lenga e de segur de literatura e de transmission.

Remirable e de veire leu leu.

https://www.octele.com/Emparaulada-joan-ganhaire_fiche_3854.html

En 2020, Danis Chapduelh adaptet en occitan Stardew Valley, un juec de simulacion agricòla creat per Eric Barone en 2016. Laidonc "Vau serana" veguet lo jorn, en occitan lemosin.

En 2021, n'en veiqui la mesa a jorn.

De legir qui-dejòs lo messatge de Danis.

"Stardew Valley es un juèc independent de ròtle e de simulacion agricòla creat per Eric Barone e surtit en 2016. Trobèt lèu lo succès, e dau succès contunha de n'aver.

S'i pòt, dempuèi 2020, jugar en occitan, dins una version que se 'pèla "Vau Serena" ! Quela version es gratuita e se pòt telecharjar liurament per tots quilhs e quelas qu'an lo juèc originau (sus PC Windows, Mac, Linux o enquera Android).

En questa debuta d'annada 2021, Stardew Valley lança 'na gròssa mesa a jorn de contengut, e Vau Serena lo sèc còpsec : cap sus 'n'isla tropicala per lo juèc de simulacion agricòla, en quèsta d'una frucha perigòrda mitica : lo cacau daurat. Iò ò ò !

E s'aviatz pas enquèra auvit parlar de queu projècte, saubretz tot dins son dorsièr de presentacion, a legir quí dejós ! "

https://vauserena.chaduei.com/enciclopedia/?utm_source=mailpoet&utm_medium=email&utm_campaign=vau-serena-un-jeu-video-en-occitan_1.5

https://vauserena.chaduei.com/?utm_source=mailpoet&utm_medium=email&utm_campaign=vau-serena-un-jeu-video-en-occitan_1.5

https://vauserena.chaduei.com/enciclopedia/?utm_source=mailpoet&utm_medium=email&utm_campaign=vau-serena-un-jeu-video-en-occitan_1.5

Nicolas Peuch nos infòrma que lo convidat de l'emission dau diumenc  28 de belhier  2021 a 11 oras sur França Blu Perigòrd sera Herve Couture per parlar de tota l’activitat dau Cap’Oc. 

Meitat chen , Meitat pòrc , chasque diumenc a 11 oras  sur França Blu Perigòrd!

Per escotar l'emission en directe o en redifusion, clicar sur lo ligam: França Blu Perigòrd

Veiqui lo ligam vers los sites de Nicolau Puech:  https://www.nicolaspeuch.com/ e https://fr-fr.facebook.com/nicolas.peuch