Fondée en avril 2016, l'association Culture et traditions occitanes en Rouffignacois souffle sa première bougie. L'occasion de revenir sur une première année bien remplie, avec son président Olivier Boudy( notre photo).

Quals son los objectius de l'associacion ?  "D'en prumier, volem transmettre nòstra cultura, de mai d'un biais. En lançar lo « Pòle occitan de Rofinhac, avem lançat un talhier de chant, dança e de conversacion. En mai d'aquò, un talhier d'iniciation a la musica tradicionala, viena e accordeon. Avem aura un grope de musica d'una quinzenada de personas. Avem lançat tanben un talhier de dentela, punt de crotz, cosdura amb l'idèia de far daus costumes. E per acabar, un talhier de cosina e de gravadura sur peira".

Avetz trobat dau monde per venir ? Òc-plan. Lo ranvers de Rofinhac e Sent-Sarnin de Relhac compta a pauc pres cinc mila personas. I a totplen de monde qu'an de las idèias. Mancava nonmas lo cadre e l'endrech per se trobar. La meraria es plan favorabla. Sem lotjats a La Falquette, sieti de las associacions, amb un parc de 4000 m2, ço que nos balha totplen de possibilitats".

Coma qué ? "Coma montar una espausicion permanenta de vielhs costumes e de coifas en dentela. Quò sera la mission de Joan-Peire Bial, qu'a dins son granier de plan bravas causas, plan ancianas. Volem organisar tanben daus eveniments, coma lo qu'avem fach dissabde 22 d'abrial : jornada de las dentelieras, dança e musica tradicionalas, pinturas...Volem organisar entau daus eveniments regularament".

Avetz previst quauquaren per la literatura occitana? "Venem de drubir una libraria occitana emb totas las noveutats. Per lo 3 de junh , organisam una « Jornada d'autors ». En mai d' aquò, sem a montar una tropa de teatre, avem desjà dos meteires en scena !"

E per l'ensanhament de la lenga? "Avem lo talhier de conversacion lo 3esma dijuòus del mes. Sem qui tanben per ajudar lo monde qu'an mestier de l'occitan per exemple, los comerçants sur lo merchat : quauques mots, quauques frasas. Mas sur lo ranvers, manca enquera l'ensanhament de l'occitan a l'escòla e au collegi".

E per l'adesion a l'associacion? "Per totas las activitats, quò costa mas 5€ per an. Podetz me telefonar au 0607017659. Avem una pagina facebook , Culture et traditions occitanes en Rouffignacois. »
Une première année très riche pour cette association qui a su fédérer les énergies.

Denis Gilabert.